- 5 -

1261 März 19.

In nomine domini amen. Cum et plantare divinam religionem et plantatam propagare, rigare et ampliare nostro competat statui, ad ampliacionem divini cultus et nostri officij debitum laudabiliter exequendum Nos Thomas dei gracia Episcopus Wrat. notum faciomus universis, quod receptis in nostram diocesim fratribus Cyst. ordinis de domo de Andreow propagatis, qui sibi habitacionem super aquam Rudam aptam sue professioni et quieti monastice laudabiliter elegerunt, inter cetera que eis pro bono statu ipsorum et sustentacionis religiose commodo concessimus, et hanc eis licenciam de nostri Capituli consensu conferimus, ut redditus ecclesiarum de Maceyov ker et de Stanicia, in quibus habebant ius patronatus, possint in usus sui conventus convertere, hoc proviso, ut ad prefatas ecclesias sacerdotes ydoneos Nobis representent spiritualibus investiendos, relicta eisdem sacerdotibus de reditibus ipsarum ecclesiarum secundum nostrum consilium competenti sustentacione, tam ipsorum quam hospitalitate exercenda, salvo eciam iure Archidiaconi secundum ius et consuetudinem ecclesiarum parrochialium ceterarum. In cuius rei memoriam litteram presentem sigilli nostri munimine fecimus communiri. Datum A. D. Mo. cc°. lxiiij°. xiiij° kal. Aprilis. Hijs presentibus, Domino Thoma Archidiacono Oppoliensi, Leonardo Canonico Wratislauiensi, Philippo Canonico Oppoliensi, Nasagneuo Plebano de Grezen, Petro, Colmo, Andrea, Alberto, Frederico, Capellanis nostris et alijs multis viris providis et discretis.

Aus der Bestätigung vom 16. Juni 1318.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.